ചുമര്‍ ദൈവം

കുട്ടിക്കാലത്ത് അമ്മയെന്നെ
ചുമരിന്നരുകിൽ കിടത്തി ഉറക്കുമായിരുന്നു
അങ്ങിനെ ചുമരിനെ ഞാൻ സ്നേഹിക്കാൻ തുടങ്ങി
വെളളപൂശിയ ചുമർ എന്റെ അമ്മയായി

പിന്നെ
ഞാൻ പ്രണയിക്കുന്ന കാലം
ചുമരിൽ കവിൾചേർത്തു ഞാനുറങ്ങി
ഞാൻ ചുമരിന്റെ പ്രണയിനിയായി

വിവാഹത്തിനു ശേഷം
ചുമരിനും ഭർത്താവിനും
ഇടയിൽ ഞാൻ

പിന്നെ നാളുകൾക്കു േശഷം
ഞാനും ചുമരും മാത്രം
ചുമരെന്നെ നെഞ്ചിൽ ചേർത്തു
തണുത്ത സ്പർശം എന്നെയുറക്കി
ചുമരിന്റെ അജീവ സാന്നിധ്യം
എനിക്കു അഭയമായി
സാന്ത്വനമായി, ദൈവമായി

എനിക്കു ചുറ്റും ചുമരുകൾ
മുകളിൾ ആകാശത്തിന്റെ
ഒരു തുണ്ടിൽ നക്ഷത്രങ്ങള്‍
കണ്ടു ഉറങ്ങട്ടെ